LINDA EIDE – SPRÅKSJOV
Me kjenner ho frå tv-programmet Eides språksjov. No går Linda Eide laiv og dreg landet rundt med språklege underfundigheiter i sekken.
Til Vinje kjem ho saman med pianist Sjur Hjeltnes, som bækkar opp både musikalsk og verbalt.
Det blir både lokale og globale språksnurreri, lunt og fint pakka inn musikk og underhalding.
Velkomen til ein kveld med infotainment for alle penga, når Linda i kjent stil hyller og herjar med det mest fascinerande og sprøe som finst i denne verda – språket!
----
Linda Eide – Sjovleiar med blokkfløyte og wind synth (!).
Sjur Hjeltnes – Pianist med utdanning og innsikt.
Arrangør: Vinje kommune i samarbeid med Vinjesenteret og Vinje Mållag.
