Evigvarande folketonar - konsert med Lina Haugholmen og Herman Gautefald.
Felespelar Herman Gautefald og songarinne Lina Haugholmen er ein folkemusikkduo busett i Vest-Telemark. Herman bur i Kviteseid, og Lina bur saman med familien sin i Tokke, men båe kjem opphavleg frå Helle i kystkommunen Kragerø.
Dei er svært begeistra for dei gamle og uutslitelege folketonane, og har no sett saman ein konsert dei har valt å kalle:
«Evigvarande folketonar»
Her har dei samla eit spennande og særmerkt repertoar, som inneheld mange av dei vakraste folketonane, slåttane og salmefolketonane. Fleire av tonane har òg sitt opphav i Vest-Telemark.
Gjest denne kvelden er organist og felespiller Kjetil Bergheim.
